Azərbaycan Respublikası Prezidenti yanında Gənclər Fondunun Qrant layihəsi çərçivəsində "İsmayıllı gənclərinin sosial şəbəkələrdən səmərəli istifadəsinin təmin olunması" layihəsi

İsmayıllı gənclərinə sosial şəbəkələrlə bağlı məlumatlar verildi

29 oktyabr 2013-cü il tarixində “İsmayıllı gənclərinin sosial şəbəkələrdən səmərəli istifadəsinin təmin olunması” layihəsinin növbəti təlimi keçirildi.Təlimdə Ismayıllı rayon 1saylı, 3 saylı məktəblərin 9, 10 və 11-ci sinif şagirdləri iştirak edirdilər. Təlim zamanı şagirdlərə sosial şəbəkələr haqqında geniş məlumat verən təlimçilər iştirakçıları maraqlandıran sualları da cavablandırdılar, eləcə də istedad və marağı olanların Gənclər Fondunun 4-cü qrant layihəsinə qoşulmaq imkanının olduğunu da vurğuladılar.Təlim zamanı iştirakçılara buklet və broşurlar paylandı.Gənclər Fondunun logosu olan köynəklər fəal iştirakçılara təqdim olundu. Təlim zamanı 1 saylı məktəbin 9-cu sinif şagirdi X.Şaiq öz bloqlarını iştirakçılara təqdim etdi.Bloq yaratmaq eləcə də bloqun imkanları barədə təlimçi məlumat mübadiləsi apardı.3 saylı məktəbin şagirdləri də müzakirələrdə fəal iştirak etdilər.Təlimin sonunda müzakirələr zamanı fəal iştirak edən gənclərdən “İnnovativ Gənclər” birliyinə yeni üzvlər seçildi.

 

 

 

Press-Reliz

Azərbaycan Respublikasının Prezidenti yanında Gənclər Fondunun III Qrant layihəsi çərçivəsində  “Gənc müəllimlərin internet resusrslarından səmərəli istifadəsinin təbliği” adlı layihənin ilk təlimi həyata keçirildi.

      Azərbaycan Respublikasının Prezidenti yanında Gənclər Fondunun III Qrant layihəsi çərçivəsində maliyyələşdirilən “Gənc müəllimlərin internet resusrslarından səmərəli istifadəsinin təbliği  ” adlı layihəsi çərçivəsində  ilk təlim 26.10.2013-cü il saat 10.00 Şəmkir şəhər Əhməd Cavad adına tam orta məktəbdə keçirildi.

     Təlimdə Şəmkir şəhər Cahangir Rüstəmov adına tam orta məktəbin, Nizami  adına tam orta məktəbin və Əhməd Cavad adına tam orta məktəbin  gənc müəllimləri iştirak edirdilər. Təlimin əvvəlində müəllimlərə layihə haqqında maarifləndirici  bukletlər paylanıldı.

 Təlimdə  Azərbaycan Respublikasının Prezidenti yanında Gənclər Fondunun Strateji Planlaşdırma və beynəlxalq əlaqələr sektorunun məsləhətçisi Ramin Cəfərov iştirak edərək Azırbaycan Gənclər Fondu haqqında geniş məlumat verərək, yaradıcı gənclərin intellektual, kreativ layihələrini dəstəklədiklərini bilavasitə iştirakçıların nəzərinə çatdırdı.  Eyni zamanda iştirakçılara və Layihə rəhbərinə uğurlar  arzuladı.

       Layihə rəhbəri Sona Əliyeva təlim iştirakçılarına  lahiyənin  həyata keçirilməsində əsas məqsədin layihə müddətində  Şəmkir Rayon məktəblərnin gənc müəllimlərinin İKT bacaqıqlarının inkişaf etdirilməsi ilə yanaşı, təhsilyönümlü internet resurslarla tanışlıq  və bu resurslardan səmərəli, istiqamətlənmiş  istifadəyə  nail  olmaqdır.   Təlim zamanı elektron tədris resursları haqqında hazırlanmış slayd təqdim olundu. Burada elektron tədris resurslarının təsnifatı, səmərəliliyi, mənfi və müsbət tərəfləri, əhəmiyyəti , məqsədləri  haqqında məlumatlar, Azərbaycan elektron kitabxanaları, elektron tədris resursları haqqında geniş  məlumatlar öz əksini tapmışdır. Bundan başqa bu sahədəki beynəlxalq təcrübələr müzakirə olunaraq,  rus və ingilis dilində olan  tədris saytları bilavasitə müəllimlərə nümayiş olundu. Sosial şəbəkələrdən təhsil sahəsində istifadənin mümkünlüyü və bu sahədəki beynəlxalq təcrübə haqqında da geniş məlumatlar verildi.

Azərbaycan Respublikasının Prezidenti yanında Gənclər Fondunun III Qrant layihəsi çərçivəsində maliyyələşdirilən “İsmayıllı gənclərinin sosial şəbəkələrdən səmərəli istifadəsinin təmin olunması” adlı layihənin “Dəyirmi Masa” tədbiri 12.10.2013-cü il saat 10.00 da İsmayıllı rayon Heydər Əliyev Mərkəzində keçirildi. Layihəyə 28.09.2013-cü il tarixdə start verilib.Tədbirdə İsmayıllı Rayon İcra Hakimiyyətinin müavinləri Rövşən Ağayev, Sevil Əhmədova, Gənclər və İdman idarəsinin sədri Elçin Nəcəfli, 1saylı tam orta məktəbin direktoru Şəfaqət Rasulov və rayon ictimaiyyətinin nümayəndələri iştirak edirdilər. L ayihə rəhbəri Pərvanə Piriyeva Azərbaycan Gənclər Fondu haqqında tədbir iştirakçılarına məlumat verdi. Layihənin həyata keçirilməsində əsas məqsəd gənclərin liderlik, təşkilatçılıq könüllülük vərdişlərinin aşılanması ,sosial şəbəkələrdə internet-bloqların yaradılması və ictimaiyyətlə əlaqələr (PR) sahəsində bilik və bacarıqlarının artırılması, fərdi və mütəşəkkil aktivliyin artırılmasıdır.Həyata keçiriləcək layihə çərçivəsində 3 orta ümumtəhsil məktəbi üzrə 5 qrup olmaqla, hər birində 40 iştirakçının təmsil olunması və hər qrup üzrə 1 təlim təşkil olunacaq ki, bununla da 200 nəfər gənc ictimai fəaliyyətdə aktivləşəcək , internetin yalnız oyun üçün olmadığını anlayacaqdır.Təlimlər zamanı iştirakçılara maarifləndirici buklet və broşürlərin paylanması nəzərdə tutulmuşdur. Eyni zamanda hər təhsil müəssisəsində davamlı təlimlər keçirilməsi məqsədi ilə könüllü təlimçilər yetişdiriləcək və hər bir təhsil müəssisəsində “İnnovativ Gənclər ”mərkəzi yaradılacaq. Bu da gənclərin fəallığının daha da artırılmasını təmin edəcək.

Qonaqlar sosial şəbəkələrdən səmərəli istifadə olunmasının gənc nəslə aşılanmasının vacibliyini vurğuladılar və uğur arzuladılar.

25 oktyabr 2013-cü il tarixində “İsmayıllı gənclərinin sosial şəbəkələrdən səmərəli istifadəsinin təmin olunması” layihəsinin ilk təlimi keçirildi.Təlimdə Ismayıllı rayon 1saylı, 2 saylı və 6 saylı məktəblərin 9, 10 və 11-ci sinif şagirdləri iştirak edirdilər. Təlim zamanı şagirdlərə sosial şəbəkələr haqqında geniş məlumat verən təlimçilər iştirakçıları maraqlandıran sualları da cavablandırdılar, eləcə də istedad və marağı olanların Gənclər Fondunun 4-cü qrant layihəsinə qoşulmaq imkanının olduğunu da vurğuladılar.Təlim zamanı iştirakçılara buklet və broşurlar paylandı.Təlimin sonunda müzakirələr zamanı fəal iştirak edən gənclərdən “İnnovativ Gənclər” birliyinin ilk nümayəndələri seçildi.